CRONFA LLEOLIADAU LLAWR GWLAD

Bydd y Gronfa Twf Lleol (CTLl) newydd yn cefnogi lleoliadau presennol i fuddsoddi yn eu lleoliad i’w wneud yn fwy cynaliadwy yn ariannol neu’n amgylcheddol.

Pwy sy’n gymwys ar gyfer y cyllid hwn?

Bydd y gronfa newydd ar gael i leoliadau o fewn Awdurdod Lleol Caerdydd sy’n bodloni’r meini prawf canlynol:

• Cwmni cyfyngedig, menter gymdeithasol gofrestredig, CBC neu elusen.
• Gyda throsiant gweithredu yn ystod y 2 flynedd ddiwethaf uwchlaw’r trothwy TAW (£90,000).
• Busnes sefydledig sydd wedi bod yn masnachu am dros dau​​​​ flynedd.
• Lleoliad Caerdydd a’i brif bwrpas yw perfformiad diwylliannol.
• BBaCh (llai na 250 o weithwyr a throsiant blynyddol o dan €50 miliwn).

Bydd ceisiadau busnes yn cael eu hystyried ar gyfer buddsoddiadau sy’n cysylltu â Strategaeth Adfer Cryfach, Tecach, Gwyrddach y ddinas a Strategaeth Cerddoriaeth Caerdydd, ac sy’n cyflawni’r canlynol:

• Creu Swyddi a diogelu swyddi – bydd hyn yn cael ei fonitro dros gyfnod o 12 mis.
• Llai o ddefnydd o ynni a gostyngiadau CO2.
• Mwy o hygyrchedd o ran y lleoliad.

Beth yw’r Cyllid?

Bydd y Gronfa Lleoliadau Llawr Gwlad yn cynnwys:

• Grantiau cyfalaf o £1,000 i £20,000.
• Ar gael i fusnesau sydd â chyfeiriad busnes cofrestredig yng Nghaerdydd.
• Angen dau​ ddyfynbris ar gyfer gwariant y prosiect.
• Bydd y grant yn 75% o gyfanswm gwariant y prosiect ac eithrio TAW.
• Ni ddylid bod wedi rhoi blaendal ar gyfer eitemau na bod wedi ymrwymo i’w prynu cyn cael cymeradwyaeth.

Bydd angen i ymgeiswyr hefyd ddangos a all cyllid grant helpu i gyfrannu at les economaidd, cymdeithasol, diwylliannol ac amgylcheddol Caerdydd.

Byddwn yn ystyried ceisiadau dros £20,000 ar gyfer prosiectau strategol sy’n canolbwyntio ar greu swyddi a buddsoddi mewn prosiectau cyfalaf mawr.

Gallwch ddysgu mwy drwy e-bostio cronfalleoliadCaerdydd@caerdydd.gov.uk​.

*Noder bod y gronfa yn amodol a’r Cyngor dderbyn cymeradwyaeth y gyllideb derfynol.